Հայտնի են վոլեյբոլի Հայաստանի պատանի չեմպիոնները և մրցանակակիրները

Ավարտվել է Հայաստանի 2018 թվականի պատանեական՝ մինչև 14 տարեկանների առաջնությունը:
Մրցաշարին մասնակցեցին 8 տղաների՝ «Սիսիան», «Արաբկիր», «Հնաբերդ», «Նոր-Նորք», «Վանաձոր», «Աջափնյակ», ԽՄՕՄՄ, «Շենգավիթ» և 6 աղջիկների՝ «Ավան», ԽՄՕՄՄ, «Շենգավիթ», «Արցախ», «Սիսիան», «Աշտարակ» թիմեր: Տղաների պայքարում չեմպիոն է հռչակվել «Սիսիան» թիմը, 2-րդ տեղ գրավել «Շենգավիթ» թիմը, իսկ 3-րդ տեղ գրավել է «Աջափնյակ» թիմը։ Աղջիկների պայքարում ևս չեմպիոն դարձան Սիսիանը ներկայացնող աղջիկները, երկրորդ տեղ գրավեց Արցախի թիմը, իսկ երրորդ տեղ գրավեց Աշտարակի թիմը: Մրցանանակիր թիմերը պարգևատրվեցին պատվոգրերով, մեդալներով, գավաթներով: Լավագույն մարզիկները նույնպես պարգևատրվեցին հատուկ մրցանակներով, իսկ թիմերը ՀՎՖ կողմից ստացան գնդակներ: