Երեքշաբթի, 20 նոյեմբերի, 2018 թ.
|
Ստեփանակերտում`   +8 °C

Հայկ Մարտիրոսյանը՝ Ծաղկաձոր oփենի հաղթող

Հայկ Մարտիրոսյանը՝ Ծաղկաձոր oփենի հաղթող
54
Երկուշաբթի, 29 հոկտեմբերի, 2018 թ., 17:30

Ծաղկաձորում ավարտվեց Ծաղկաձոր Օփեն միջազգային մրցաշարը, որի շրջանակում անցկացվեցին 4 մրցաշարեր: Հիմնական մրցաշարին մասնակցեցին 40 շախմատիստ, այդ թվում՝ 2 գրոսմայստեր և 3 միջազգային վարպետ:
Մրցաշարի հաղթող դարձավ գրոսմայստեր Հայկ Մարտիրոսյանը, ով 9 հնարավորից վաստակեց 7.5 միավոր: 4 շախմատիստ՝ Հայաստանի ներկայացուցիչներ Արթուր Հողմրցյանը, Դավիթ Շահինյանը և Ռուսաստանը ներկայացնող Վլադիսլավ Նոզդրաչովը և Արսեն Մնացականյանը, վաստակեցին 6.5-ական միավոր և կիսեցին 2-5-րդ հորիզոնականները:

Լրացուցիչ ցուցանիշների հաշվարկից հետո 2-րդ հորիզոնականը զբաղեցրեց Արթուր Հողմրցյանը, իսկ Դավիթ Շահինյանը եզրափակեց լավագույն եռյակը:

Մինչև 12 տարեկանների մրցաշարի հաղթող դարձավ Դավիթ Աբրահամյանը:
Մինչև 10 տարեկանների ենթախմբում առաջին հորիզոնականը զբաղեցրեց Էդիկ Հովսեփյանը:
Մինչև 8 տարեկանների մրցաշարում Նարեկ Ղազարյանը 7.5 միավորով գրավեց առաջին տեղը: