Էրդողանը հանձնարարել է կազմակերպել Արա Գյուլերի աշխատանքների ցուցահանդեսը

Թուրքիայի նախագահ Ռեջեփ Էրդողանը հանձնարարել է կազմակերպել պոլսահայ լուսանկարիչ Արա Գյուլերի աշխատանքների ցուցահանդեսը, ով կյանքից հեռացավ հոկտեմբերի 18-ին 90 տարեկան հասակում, հաղորդում է Rusarminfо-ն՝ հղում անելով թուրքական Sabah պարբերականին:

Պարբերականը նշում է, որ ցուցահանդես կկազմակերպվի ԱՄՆ-ի, Ֆրանսիայի, Իտալիայի, Անգլիայի և Գերմանիայի հայտնի պատկերասրահներում: Այժմ այդ ուղղությամբ աշխատանքներ են տարվում:

Նրան անվանում էին «Ստամբուլի լուսանկարիչ» և «Ստամբուլի աչք»: Գյուլերը ֆոտոհարցազրույցներ է վերցրել այնպիսի հեղինակավոր դեմքերից, ինչպիսիք են՝ Ուինսթոն Չերչիլ, Բերտրան Ռասել, Ինդիրա Գանդի, Սալվադոր Դալի, Ալֆրեդ Հիչքոք, Պաբլո Պիկասո և այլք: