Երեքշաբթի, 19 մարտի, 2024 թ.
|
Ստեփանակերտում`   +5 °C

«Պետք է քայլ առ քայլ առաջ գնալ՝ մտածելով յուրաքանչյուր որոշման մասին». Ակմալ Բախտիյարով

«Պետք է քայլ առ քայլ առաջ գնալ՝ մտածելով յուրաքանչյուր որոշման մասին». Ակմալ Բախտիյարով
465
Կիրակի, 09 դեկտեմբերի, 2018 թ., 15:05

«Արցախ»-ի ֆուտբոլիստ Ակմալ Բախտիյարովը, ով ղազախական ֆուտբոլի ծագող աստղերից մեկն է, շարունակում է հետաքրքրությունների առանցքում լինել.

Ղազախական sports.kz կայքը լայնածավալ հարցազրույց է անցկացրել Ակմալի հետ: Բախտիյարովի՝ մեր ակումբին և Հայաստանի առաջնությանն առնչվող մտքերը՝ ստորև.

«Ես չէ, որ պետք է գնահատեմ իմ ելույթները Հայաստանի առաջնությունում և «Արցախ»-ում: Կարծում եմ՝ գլխավոր մարզիչն այդ մասին ավելի օբյեկտիվ կխոսի: Իմ կարծիքով՝ վատ հանդես չեկա:

Ռաֆայել Նազարյանի գլխավորությամբ, անկեղծ ասած, զգում էի, որ շատ եմ ավելացրել: Չնայած 3-ամսյա դադարին՝ ես կարողացա արագ մարզավիճակ հավաքել:

Եթե համեմատենք Հայաստանի առաջնությունը Ղազախստանի առաջնության հետ, ապա մակարդակները գրեթե հավասար են, իհարկե պետք է համեմատությունից դուրս թողնել «Աստանա»-ին և «Կայրաթ»-ին:

Ընդհանրապես չեմ զղջում, որ տեղափոխվել եմ «Արցախ», քանի որ մանկուց երազում էի ուժերս փորձել արտասահմանում, և հաշվի առնելով այն, որ «Կայրաթ»-ում ես խաղում էի Առաջին լիգայում, միանգամից արտասահմանյան լավ ակումբում հայտնվելն անհավանական կլիներ: Պետք է քայլ առ քայլ առաջ գնալ՝ մտածելով յուրաքանչյուր որոշման մասին, այդ իսկ պատճառով ես գնացի Հայաստան ու սկսեցի հանդես գալ Ռաֆայել Նազարյանի գլխավորությամբ, ում շատ պրոֆեսիոնալ մարդ եմ համարում»: