Մանուէլ Պետրոսյանը կես միավորով է զիջում առաջատարին

Իսպանիայում ընթացող Սիտջես միջազգային մրցաշարում կայացավ 5-րդ տուրը: Մրցաշարի առաջատարներին կես միավոր զիջող Մանուէլ Պետրոսյանը կարևոր հաղթանակ տոնեց Իտալիան ներկայացնող գրոսմայստեր Դանիելե Վոկատուրոյի նկատմամբ: Տուրում հաղթանակներ տոնեցին նաև մրցաշարում մեր մյուս երկու ներկայացուցիչները՝ Տիգրան Հարությունյանը և Վահե Բաղդասարյանը:

Մրցաշարի երեք առաջատարները հնդիկ 14-ամյա գրոսմայստեր Նիհալ Սարինը և Իսպանիան ներկայացնող գրոսմայստերներ Լոպես Մարտինես Խոսե Մանուէլը և Ալոնսո Ռոսել Ալվարը, իրենց պարտիաներն ավարտեցին հաշտությամբ:
5-րդ տուրից հետո 5 շախմատիստ, որոնց թվում է Մանուէլ Պետրոսյանը, վաստակել են 4.5-ական միավոր և գլխավորում են աղյուսակը:

Տիգրան Հարությունյանը առաջատարներից հետ է կես միավորով, իսկ Վահե Բաղդասարյանը վաստակել է 2.5 միավոր: