Կայացել է ՀՖՖ գործկոմի հերթական նիստը

Դեկտեմբերի 24-ին՝ ՀՖՖ գրասենյակում, կայացավ Հայաստանի ֆուտբոլի ֆեդերացիայի գործադիր կոմիտեի հերթական նիստը: Օրակարգում էր 3 հարց՝ ՀՖՖ Գլխավոր քարտուղարի հաշվետվությունը, ՀՖՖ մշտական կոմիտեների նախագահների և կազմերի հաստատումը և ներդրումային ծրագրերի քննարկումը:

ՀՖՖ առաջին փոխնախագահ, գլխավոր քարտուղար Արմեն Մելիքբեկյանը ՀՖՖ Գործկոմի անդամներին ներկայացրեց 2018 թ. հոկտեմբեր-դեկտեմբեր ամիսներին ՀՖՖ կատարած աշխատանքները և 2019 թ. ընթացքում իրականացվելւք ծրագրերը: Այնուհետև ՀՖՖ Գործկոմը միաձայն քվեարկեց մշտական կոմիտեների նոր նախագահների և կազմերի հաստատման օգտին:

ՀՖՖ Գործկոմի անդամներին ներկայացվեցին նաև մի շարք ներդրումային ծրագրեր: Ի թիվս այլ հարցերի՝ քննարկվեց Վաղարշապատի ակադեմիայի հետագա շահագործման հարցը: Որոշվեց անցկացնել ներդրումային ծրագրերի բաց մրցույթ, որի պայմանները ՀՖՖ-ն կհրապարակի հունվարի 10-ին: