Հայ կարատեիստները 13 մեդալ են նվաճել Եվրոպայի առաջնությանը

727

Երեքշաբթի, 05 փետրվարի, 2019 թ., 20:05

Սլովենիայում կայացած ֆուդոկան կարատեի Եվրոպայի առաջնությունում հայ մարզիկները նվաճել են 13 մեդալ՝ 7 ոսկե, 1 արծաթե և 5 բրոնզե: Այսօր ՀՀ սպորտի և երիտասարդության հարցերի նախարարի 1-ին տեղակալ-նախարարի պաշտոնակատար Գաբրիել Ղազարյանը հանդիպել է Եվրոպայի չեմպիոններ Արծրուն Օհանյանի (35-49 տ.), Դավիթ Ենոքյանի (8-9 տ.) և Գագիկ Օհանյանի (6-7 տ.) հետ: Հանդիպմանը ներկա չի եղել 18-21 տարիքային խմբում ոսկե մեդալակիր արցախցի Միքայել Մխիթարյանը: Պարոն Ղազարյանը շնորհավորել է Եվրոպայի չեմպիոններին և մաղթել նրանց նորանոր մարզական ձեռքբերումներ: