Մի շարք տրանսֆերներ՝ հայկական ֆուտբոլում

Այսօր հայկական ֆուտբոլում տեղի ունեցած մի շարք տրանսֆերների մասին է հայտնի դարձել։ Ներկայացնում ենք բոլորը՝ ստորև․

• «Բանանց» ֆուտբոլային ակումբը պայմանագիր է կնքել պաշտպան Անդրանիկ Ոսկանյանի հետ։ Անդրանիկը մինչ այս հանդես է եկել «Միկա»-ում և «Ալաշկերտ»-ում։

• «Արցախ» ֆուտբոլային ակումբը և բելառուսական «Իսլոչ»-ը համաձայնեցրել են «Արցախ»-ի և Հայաստանի երիտասարդական հավաքականի 22-ամյա հարձակվող Գրիգոր Աղեկյանի տրանսֆերը: Աղեկյանը «Արցախ»–ին է միացել ակումբի հիմնադրման պահից, Բարձրագույն խմբի ընթացիկ առաջնությունում Գրիգորը անցկացրել է 16 խաղ՝ դառնալով 3 գոլի հեղինակ, նա նաև 1 գոլ է խփել Հայաստանի գավաթի խաղարկության 4 խաղերում:

• «Շիրակ» է վերադարձել գյումրեցի հարձակվող Դավիդ Ղանդիլյանը: Հաջող բուժզննումից հետո ֆուտբոլիստի հետ պայմանագիր է ստորագրվել, որը նախատեսված է մինչև 2019 թվականի հունիսը:

• «Բանանց» ՖԱ-ն վարձակալության պայմանագիր է ստորագրել կենտրոնական պաշտպան Ալբերտ Գաջիբեկովի հետ։ Ռուս ֆուտբոլիստը մինչ այս հանդես է եկել «Անժի»-ում, «Ստավրապոլ»-ում, «Լիպեցկ»-ում, «Միտոս»-ում, «Լուչ»-ում, Սանկտ Պետերբուրգի «Դինամո»-ում: Ալբերտ Գաջիբեկովի տրանսֆերային իրավունքները պատկանում են Ռուսաստանի ազգային լիգան ներկայացնող «Արմավիր»-ին։

• «Բանանց» ֆուտբոլային ակումբը երկկողմ համաձայնությամբ խզել է պայմանագիրը պաշտպան Իլյա Գուլտիաևի հետ:

•«Շիրակ» է վերադարձել սերբ պաշտպան Մառկո Պռլեվիչը: Հաջող բուժզննումից հետո ֆուտբոլիստի հետ պայմանագիր է ստորագրվել, որը նախատեսված է մինչև 2019 թվականի հունիսը: