«Ծանրամարտը կարող է զարգանալ Արցախում». Նազիկ Ավդալյան
329 Ուրբաթ, 22 փետրվարի, 2019 թ., 16:10 Փետրվարի 22-ին Արցախի հանրապետության կրթության, գիտության և սպորտի նախարար Նարինե Աղաբալյանն ընդունել է ծանրամարտի աշխարհի և Եվրոպայի չեմպիոնուհի Նազիկ Ավդալյանին, ով տասնօրյա ժամկետով Արցախում է՝ Արցախի ծանրամարտի ասոցիացիայի հրավերով: Ողջունելով հյուրին՝ Նարինե Աղաբալյանն ասել է, որ արցախցիները միշտ հպարտացել են ծանրորդուհու հաջողություններով ու ձեռքբերումներով: «Դուք ձեր անցած ուղով ցույց եք տվել, որ պետք է ձգտել ու հասնել վերջնական հաղթանակի՝ կարողանալով հաղթահարել բոլոր փորձություններն ու անհաջողությունները: Մենք սպորտը դիտարկում ենք ոչ միայն որպես մարզումների միջոցով կոփվելը, այլև օլիմպիական սկզբունքների դաստիարակումը»,- մասնավորապես ասել է ԿԳՍ նախարարը և հավելել, որ պետական քաղաքականության շնորհիվ վերջին տարիներին մարզական կյանքն Արցախում ավելի է աշխուժացել, ինչի արդյունքում տարբեր մարզաձևերից Արցախն ունի խոստումնալից մարզիկներ: Նազիկ Ավդալյանը վստահեցրել է, որ մարզիկի և մարզչի իր փորձը սիրով կփոխանցի արցախցի երեխաներին։ «Սպորտը մարդու մեջ բնավորություն է ձևավորում, կամքի ուժ, ձգտում՝ դեպի վերջնական նպատակ: Սպորտում հաղթանակներ գրանցելու համար առաջին հերթին անհրաժեշտ են կամային որակներ, համապատասխան մարզագույք, հատուկ վերաբերմունք մարզիկների նկատմամբ։ Ծանրամարտը կարող է զարգանալ Արցախում։ Այստեղ կան խոստումնալից, հրաշալի երեխաներ»,- ասել է ծանրորդուհին և ընդգծել, որ ինքը պարբերաբար կլինի Արցախում ու կաշխատի օգնել արցախցի մարզիկներին: Հանդիպման վերջում Նարինե Աղաբալյանը Նազիկ Ավդալյանին խորհրդանշական նվերներ է հանձնել և հրավիրել ամռանն Արցախում կայանալիք ԿոնԻՖԱ-ի Եվրոպայի առաջնությանը։ |
«Մարզադաշտի հանդերձարանում «Բաքսի» է տեղադրվել, սակայն այնտեղ էլեկտրական հոսանք, բնական գազ չկա». Ոսկան Սարգսյան
21817.04.2024, 05:24Օլիմպիական կրակի վառման արարողությունը՝ ուղիղ միացմամբ (տեսանյութ)
90416.04.2024, 12:485 մեդալ՝ բռնցքամարտի Եվրոպայի երիտասարդական առաջնությունից (լուսանկար)
34515.04.2024, 19:54Հայտնի է Հայաստանի գավաթի եզրափակչի օրը
33315.04.2024, 18:18Հրաձիգ Էլմիրա Կարապետյանը դարձել է Ռիո դե Ժանեյրոյի վարկանիշային մրցաշարի հաղթող
41914.04.2024, 22:48Վարազդատ Լալայանը՝ աշխարհի գավաթի խաղարկության հաղթող (տեսանյութ)
50611.04.2024, 15:00Վերջին 13 տարվա ընթացքում Հայաստանի ֆուտբոլի կանանց հավաքականը հաղթանակ է տոնել
53709.04.2024, 22:18Ավարտվեց սամբոյի Աշխարհի Գավաթի խաղարկությունը. Հայաստանը մեդալային հաշվարկում 5-րդն է
65905.04.2024, 23:24