«Անտրամաբանական է խոսել խնդրի կարգավորման մասին, եթե բանակցություններում չեն մասնակցում հակամարտող կողմերը». Շ. Քոչարյան
813 Հինգշաբթի, 07 մարտի, 2019 թ., 16:15 ԱԳ նախարարի տեղակալ Շավարշ Քոչարյանն այսօր լրագրողների հետ ճեպազրույցի ժամանակ, անդրադառնալով հարցին, թե Փաշինյանի կառավարությունը հրաժարվել է Վիեննայի, Սանկտ Պետերբուրգի, Ժնևի պայմանավորվածություններից, ասաց. «Այսպիսի բան երբևիցե չի հայտարարվել, որ Հայաստանի կառավարությունը հրաժարվել է պայմանավորվածություններից: Այդ ուղղությամբ քայլեր կատարվել են, համենայնդեպս, ժամանակավոր, բայց էական փոփոխություն կա սահմանագծում»: Հարցին, եթե Ադրբեջանն իր նախկին պայմանավորվածությունները չի կատարում Հայաստանի նկատամամբ, այդ պարագայում ինչո՞ւ է Հայաստանի ղեկավարը ներկայանում Ադրբեջանի հետ հանդիպմանը, ԱԳ փոխնախարն ասաց. «Ցանկացած հանդիպում ավելի նախընտրելի է, քան ռազմական գործողությունների վերսկսումը: Առ այսօր հանդիպումներն ուղղված էին հետևյալ նպատակին՝ նվազեցնել ռիսկերը ռազմական գործողությունների վերսկսման ուղղությամբ»: Հաջորդ հարցին՝ Մինսկի խմբի համանախագահներն ի՞նչ կարծիք ունեն Լեռնային Ղարաբաղը բանակցային սեղանի շուրջ վերադարձնելու վերաբերյալ, Շ. Քոչարյանը նկատեց. «Իրենք շատ լավ հասկանում են, որ դա պետք է լինի կողմերի համաձայնությամբ: Խնդիրը նրանում է, որ Բաքվի համար դա շատ ծանր քայլ է, և ինքն ամեն գնով ձգտելու է որպեսզի դա տեղի չունենա: Այն պահից սկսած, երբ Լեռնային Ղարաբաղի Հանրապետությունը որպես լիարժեք բանակցային կողմ նստեց բանակցային սեղանի շուրջ, իրենց ամբողջ քարոզչական մեքենայի, այսպես ասած, մեխը քանդվում է: Սա է պատճառը: Եվ բնական է՝ նա դիմադրելու է և, ամեն դեպքում, մենք էլ պետք է հետևողական լինենք, որ այն միջազգային հանրության ջանքերով պարտադրվի Ադրբեջանին: Որովհետև անտրամաբանական է խոսել խնդրի կարգավորման մասին, եթե բանակցություններում չի մասնակցում հենց հիմնական հակամարտող երկու կողմերից մեկը, իսկ հիմնական հակամարտող կողմերը՝ Արցախն ու Ադրբեջանն են»,- ասաց Շավարշ Քոչարյանը: |
«Ուշագրավ է Պուտինի երդմնակալության մասնակից արևմտյան երկրների շրջանակը». Հակոբ Բադալյան
5701:30ԱԺԲ-ն վաղը կդիմավորի երթը և կմիանա շարժմանը (տեսանյութ)
7101:18«Լուծումներ չգտնող/չառաջարկող իշխանությունն ու ընդդիմությունը դատապարտված են ձախողման». Հայկ Խանումյան
7101:06«Հակված ենք լավատեսորեն մտածելու». Պեսկովը՝ Պուտին-Փաշինյան հանդիպման մասին (տեսանյութ)
9200:46Գերմանիայում արգելել են ռուսական դրոշները, գեորգիևյան ժապավեններն ու խորհրդային արձանների մոտ երգերը
280Երեկ, 22:00Էրդողանը կոչ է արել Երևանին և Բաքվին՝ որքան հնարավոր է շուտ ստորագրել խաղաղության պայմանագիր
224Երեկ, 20:18Երթին է միացել ՀՀԿ երիտթևը
147Երեկ, 18:24«Գրառում է անում մի մարդ, ով նպատակադրված փորձում է ոչնչացնել հայ ժողովրդի ազգային արժեքները». Տ. Հայրապետյան
152Երեկ, 17:24