Սամվել Տեր-Սահակյանը կես միավորով է հետ մնում առաջատարներից

Մակեդոնիայի մայրաքաղաք Սկոպյեում ավարտին է մոտենում շախմատի Եվրոպայի տղամարդկանց անհատական առաջնությունը, որին Հայաստանը ներկայացնում է 8 շախմատիստ։ Այսօր կայացած 9-րդ տուրում հայ շախմատիստները տոնեցին 2 հաղթանակ, 3 պարտիա ոչ-ոքի ավարտեցին և 3 պարտություն կրեցին։ Հայկ Մարտիրոսյանը և Սերգեյ Մովսեսյանը հաղթանակներ տոնեցին, Սամվել Տեր-Սահակյանը, Շանթ Սարգսյանը և Ռոբերտ Հովհաննիսյանը ոչ-ոքի խաղացին, իսկ Արման Փաշիկյանը, Մանուէլ Պետրոսյանը և Հրանտ Մելքումյանը պարտություն կրեցին։ 8 տուրից հետո հայ շախմատիստներից լավագույն արդյունքը գրանցել է Սամվել Տեր-Սահակյանը, ով ընթանում է 8-րդ հորիզոնականում։ Նա կես միավորով է հետ մնում առաջատարներից։