«Արցախ»-ը խզել է Գյոզալյանների հետ պայմանագրերը

«Արցախ» ՖԱ-ի և թիմի ֆուտբոլիստներ Նորայր և Նարեկ Գյոզալյան եղբայրների միջև պայմանագիրը երկկողմ համաձայնությամբ խզվել է: 29-ամյա հարձակող Նորայր Գյոզալյանը «Արցախ»–ին էր միացել 2018-ի հունիսին, մինչ այդ հանդես գալով «Բանանց», «Ալաշկերտ», «Տորպեդո Ժոդինո» (Բելառուս) և «Իմպուլս» ակումբներում: «Արցախ» էր տեղափոխվել «Բանանց»-ից:
26-ամյա կիսապաշտպան Նարեկը ակումբի հնաբնակներից է, նախորդ մրցաշրջանի առաջին հատվածում հանդես էր գալիս «Արցախ»-ում, այնուհետև տեղափոխվել էր Շվեդիա, իսկ ամռանը վերադարձել էր թիմ։ Նորայրը թիմի կազմում ընթացիկ մրցաշրջանում մասնակցել է 12, Նարեկը՝ 9 հանդիպման, երկուսն էլ գոլի հեղինակ չեն դարձել: «Արցախ» ՖԱ-ն շնորհակալություն է հայտնում Նորայրին ու Նարեկին և հաջողություններ մաղթում հետագա կարիերայում: