Սերգեյ Մովսեսյանը կես միավորով է հետ մնում առաջատարից

Մակեդոնիայի մայրաքաղաք Սկոպյեում ավարտին է մոտենում շախմատի Եվրոպայի տղամարդկանց անհատական առաջնությունը, որին Հայաստանը ներկայացնում է 8 շախմատիստ։ Այսօր կայացած 10-րդ տուրում հայ շախմատիստները տոնեցին 4 հաղթանակ, 3 պարտիա ոչ-ոքի ավարտեցին և 1 պարտություն կրեցին։

Սերգեյ Մովսեսյանը, Շանթ Սարգսյանը, Մանուէլ Պետրոսյանը և Հրանտ Մելքումյանը հաղթանակներ տոնեցին, Ռոբերտ Հովհաննիսյանը, Արման Փաշիկյանը և Հայկ Մարտիրոսյանը ոչ-ոքի խաղացին, իսկ Սամվել Տեր-Սահակյանը պարտություն կրեց։ 10 տուրից հետո հայ շախմատիստներից լավագույն արդյունքը գրանցել է Սերգեյ Մովսեսյանը, ով ընթանում է 9-րդ հորիզոնականում։ Նա կես միավորով է հետ մնում առաջատար Վլադիսլավ Արտեմևից։