«Ուրարտու»-ն, հաղթելով «Արցախ»-ին, դուրս եկավ Ա լիգայի եզրափակիչ

Ա լիգայի 1/2 եզրափակչի վերջին խաղում «Ուրարտու»-ն հյուրընկալվելիս համառ պայքարում, ի վերջո 85։80 հաշվով առավելության հասավ «Արցախ»-ի նկատմամբ և, հաշիվը դարձնելով 4-3, դուրս եկավ եզրափակիչ փուլ:

Հանդիպման ամենաարդյունավետ խաղացող ճանաչվեց Հայաստանի ազգային հավաքականի խաղացող Ալբերտ Թադևոսյանը (Արցախ), ով վաստակեց 26 միավոր, 3 անգամ տիրեց օղակից անրադարձող գնդակին և կատարեց 3 արդյունավետ փոխանցում:

Ա լիգայի խաղարկության եզրափակչում «Ուրարտու»-ն ուժերը կչափի «Արագած» ակումբի հետ:

Ա լիգայի եզրափակիչը տեղի կունենա մինչև 5 հաղթանակ սկզբունքով, որտեղ հաշվի կառնվեն կանոնավոր առաջնության վերջին 2 հանդիպումները: «Ուրարտու» - «Արագած» դիմակայությունը եզրափակչում կմեկնարկի 0-2 հաշվով: