Դաշտադեմի ամրոցի պահպանության համար ԱՄՆ դեսպանատունը տրամադրել է 240.000 ԱՄՆ դոլար

2274

Երեքշաբթի, 16 ապրիլի, 2019 թ., 16:45

ՀՀ-ում ԱՄՆ դեսպանատան ֆեյսբուքյան էջում հաղորդագրություն է տարածվել․ «Հայաստանի երրորդ ամենամեծ ամրոցի և Կովկասում ամենամեծերից մեկի՝ Դաշտադեմի ամրոցի պատմական ակունքները ձգվում են մինչև առնվազն մ.թ.ա. ութերորդ դար, երբ թագավորում էին ուրարտացիները: 2013-ից սկսած՝ ԱՄՆ դեսպանի մշակութային ժառանգության պահպանության հիմնադրամը տրամադրել է ավելի քան 240,000 ԱՄՆ դոլար՝ պահպանելու այս սքանչելի պատմական հուշարձանը, որն այժմ տուրիստական վայր է և գրավում է ավելի ու ավելի մեծաթիվ այցելուների: Շուտով տոնելու ենք այս ծրագրի ավարտը: Հետևե՛ք մեր հրապարակումներին՝ նոր մանրամասներին տեղեկանալու համար»։