Մխիթարյանը կկարողանա մեկնել Բաքու՝ Եվրոպայի լիգայի եզրափակչին մասնակցելու․ ԶԼՄ

Մայիսի 29-ին Բաքվում կայանալիք Եվրոպայի լիգայի եզրափակիչ հանդիպմանը մասնակցելու համար ՈՒԵՖԱ-ն կաջակցի Հայաստանի ազգային հավաքականի ավագ և Լոնդոնի «Արսենալի» կիսապաշտպան Հենրիխ Մխիթարյանին Ադրբեջանի վիզա ստանալու հարցում, եթե լոնդոնյան ակումբը դուրս գա եզրափակիչ: Այս մասին հայտնում է ESPN պարբերականը:

Աղբյուրը գրում է, որ ՈՒԵՖԱ-ի ներկայացուցիչն ESPN-ին տեղեկացրել է, որ կաջակցեն Մխիթարյանին. «ՈւԵՖԱ-ի համար դա սովորական գործընթաց է»:

Հիշեցնենք, որ անցած տարվա հոկտեմբերին Հենրիխն «Արսենալ»-ի կազմում չմեկնեց Բաքու՝ «Քարաբախ»-ի հետ խաղին մասնակցելու։ Նա բաց է թողել նաև 2015 թվականին Դորտմունդի «Բորուսիա»-ի ադրբեջանական «Գաբալա»-ի դեմ արտագնա հանդիպումը։

Նշենք նաև, որ «Արսենալ»-ը դուրս է եկել Եվրոպա լիգայի 1/4 եզրափակիչ, որտեղ առաջին խաղում 2:0 հաշվով հաղթել են «Նապոլի»-ին: