«Քոչարյանի փաստաբանական խումբն օգտագործել է այդ շինծու գործերը». Անդրանիկ Քոչարյան

528

Ուրբաթ, 10 մայիսի, 2019 թ., 13:40

ԱԺ «Իմ քայլը» խմբակցության պատգամավոր Անդրանիկ Քոչարյանը ՀՀ գլխավոր դատախազ Արթուր Դավթյանին հարց ուղղեց Մարտի 1-ի գործի վերաբերյալ. «Որևէ ցուցում տվե՞լ եք նախաքննական մարմնին, թե՞ ոչ: 2008-ին բազմաթիվ քաղաքացիներ անհիմն, շատ դեպքերում՝ շինծու մեղադրանքներով դատապարտվել են ու բանտերում հայտնվել: Այդ ուղղությամբ անցած տարիներին որևէ բան արվե՞լ է Ձեր կողմից, թե՞ ոչ, որովհտև ՄԻԵԴ-ն ինչ-որ քայլեր է ձեռնարկում և կարծում եմ, որ ՀՀ գլխավոր դատախազությունը կարող էր շատ գործեր բեկանելու որոշումներ կայացնել, չհասնեին Եվրոպական դատարան: Առաջիկայում սկսվելու է պարոն Ռոբերտ Քոչարյանի դատավարությունը, համոզված եմ՝ փաստաբանական խումբը փորձելու է օգտագործել այդ ապօրինի, շինծու գործերը՝ որպես պաշտպանական միջոց»:

Արթուր Դավթյանը պատասխանեց. «ՄԻԵԴ վճիռներն անհատական ակտեր են. վճռի հիման վրա կարող է վերանայվել կոնկրետ անձի վերաբերյալ դատական ակտը, մի անձի վերաբերյալ դատական ակտը չի կարող դրվել ուրիշի դատական ակտը վերանայելուն: Երկրորդ հիմքը՝ նոր երևան եկած հանգամանքներն են: Ունեցել ենք այդպիսի դեպք, մեր նախաձեռնությամբ հարուցել ենք վարույթ, դրա արդյունքներով հիամա դիմել ենք դատարան, որ նախկինում կայացած դատական ակտը վերանայվի»: