«Արսենալ»-ը Մխիթարյանի շուրջ հայտարարություն է տարածել

562

Երեքշաբթի, 21 մայիսի, 2019 թ., 15:45

Հայաստանի ազգային հավականի և Լոնդոնի «Արսենալ»-ի կիսապաշտպան Հենրիխ Մխիթարյանը չի մեկնի Բաքու՝ մայիսի 29-ին կայանալիք Եվրոպայի լիգայի եզրափակիչ «Արսենալ» - «Չելսի» հանդիպմանը մասնակցելու։ Այս մասին հայտնել է անձամբ Մխիթարյանը և ակումբի պաշտոնական կայքը։

«Հիիասթափված ենք հայտարարել, որ Մխիթարյանը թիմի հետ չի մեկնելու Բաքու՝ «Չելսի»-ի դեմ Եվրոպա լիգայի եզրափակչին մասնակցելու։

Ուսումնասիրել ենք բոլոր տարբերակները, որպեսզի Միկին լինի թիմի մի մասը: Քննարկելով նրա և նրա ընտանիքի հետ այդ հարցը՝ եկանք այն եզրակացությանը, որ նա չպետք է թիմի հետ մեկնի Բաքու:

Մենք նամակ ենք գրել ՈՒԵՖԱ-ին՝ հայտնելով մեր խորն անհանգստություն այս թեմայի շուրջ։ Մխիթարյանն առանցքային ֆուտբոլիստ է մեզ համար, այդ պատճառով սա մեզ համար մեծ կորուստ է: Հիասթափված ենք, որ նման ֆուտբոլիստն այսպիսի հանգամանքների պատճառով բաց է թողնելու կարևորագույն հանդիպում՝ եզրափակիչ, որը խաղացողի կարիերայում շատ հազվադեպ է լինում։ Մխիթարյանը կշարունակի մաս լինել մեր թիմի կազմակերպչական աշխատանքներին՝ մինչ թիմի՝ Բաքու մեկնելը»,- նշված է հայտարարության մեջ: