«Քիմ Քարդաշյանի մեկ գրառմամբ Մխիթարյանի հարցը կարող է լուծվել»․ երկրպագուներ

Լոնդոնի «Արսենալ»-ի երկրպագուները Հայաստանի ազգային հավաքականի և թիմի կիսապաշտպան Հենրիխ Մխիթարյանի՝ Բաքու չմեկնելու հարցով դիմել է ամերիկահայ աստղ Քիմ Քարդաշյանին։

«Տեղյա՞կ եք, որ ձեր հայ եղբայր Հենրիխ Մխիթարյանն Ադրբեջանի հետ ռազմական կոնֆլիկտի պատճառով չի մասնակցելու Եվրոպա լիգայի եզրափակչին։ Աշխարհը լռում է»։

Մեկ այլ գրառումով Քարդաշյանին կոչ են արել թեմայի շուրջ գրառում կատարել․ «Իրականում նա իսկապես շատ ազդեցիկ կին է։ Տեղեկացրեք նրան այս խնդրի մասին։ Եթե հանրային հետաքրքրություն լինի, նրա մեկ գրառմամբ այս հարցը կարող է լուծվել»։