«Ինչո՞ւ ենք ուզում աջակցել անհասկանալի ուժերին». Արա Պապյան

Դիվանագետ Արա Պապյանը ֆեյսբուքյան իր էջում գրել է. «Ես ֆուտբոլից բան չեմ հասկանում, բայց քաղաքականությունից կարծես մի քիչ հասկանում եմ: Հիմա թող մեկն ինձ բացատրի՝ ի՞նչ է տալու հունիսին Ստեփանակերտում նախատեսված, երևի նաև մեծ ծախսեր պահանջող, այսպես կոչված «Չճանաչված երկրների ֆուտբոլի Եվրոպայի գավաթի խաղարկությունը»:

Իմ կարծիքով դա ոչ միայն օգտակար չէ, այլև վնասակար ու վտանգավոր, քանի որ ԼՂ հակամարտությունը և Արցախի հարցը դրվում է ներքոհիշյալ հակամարտությունների և, այսպես կոչված, երկրների հետ նույն հարթության վրա: Բացի հասարակության աչքում մեր պայքարի վարկաբեկումից և հաղթանակի իրավական հիմքերը խաթարելուց՝ դա ոչինչ չի տալու:

Ինչո՞ւ ենք ուզում աջակցել անհասկանալի ուժերի ընդդեմ.
1. Շվեդիայի, Նորվեգիայի և Ֆինլադիայի՝ Լապլանդիայի հարցում,
2. Ուկրաինայի՝ Լուգանսկի և Դոնեցկի հարցում,
3.Վրաստանի՝ Աբխազիայի և Հարավային Օսիայի հարցում
4. Հունաստանի՝ Չամերիայի հարցում
6. Իտալիայի՝ Պադանիայի և Սարդինիայի հարցում
7. Ռումինիայի՝ սեկեյների հարցում։
Ի՞նչ դրական բան է դա տալու:

Առդիր «մասնակից երկրների» ցանկը:

A խումբ - Արցախ, Լապլանդիա, Լուգանսկ
B խումբ - Աբխազիա, Նիսի կոմսություն, Չամերիա
C խումբ - Պադանիա, Դոնեցկ, Սարդինիա
D խումբ - Սեկեյների երկիր, Արեւմտյան Հայաստան, Հարավային Օսիա»։