Հինգշաբթի, 19 սեպտեմբերի, 2019 թ.
|
Ստեփանակերտում`   +15 °C

«Հայկական լոբբին զրպարտող շարժում կազմակերպեց Ադրբեջանի դեմ»․ ադրբեջանցի պատգամավոր

«Հայկական լոբբին զրպարտող շարժում կազմակերպեց Ադրբեջանի դեմ»․ ադրբեջանցի պատգամավոր
110
Ուրբաթ, 31 մայիսի, 2019 թ., 15:40

Ադրբեջանի խորհրդարանի պատգամավոր Ջավիդ Օսմանովը խոսել է Եվրոպայի Լիգայի եզրափակիչ «Չելսի» - «Արսենալ» (4-1) հանդիպման մասին՝ անդրադառնալով նաև Հայաստանի ազգային հավաքականի և Լոնդոնի «Արսենալ»-ի կիսապաշտպան Հենրիխ Մխիթարյանի շուրջ ստեղծված աղմուկին։

«Ադրբեջանը բարեհաջող է անցկացրել «Եվրոտեսիլ» երգի մրցույթը, առաջին Եվրոպական խաղերը, Իսլամական Համերաշխության խաղերը, Ֆորմուլա 1-ի Ադրբեջանի Գրան պրին և այլ խոշոր մարզական միջոցառումներ: Ադրբեջան ժամանած բոլոր երկրպագուները բարձր են գնահատել մեր երկիրը և մեր ժողովրդի հյուրընկալությունը:

Բայց, ինչպես միշտ, Եվրոպայի լիգայի եզրափակչին ընդառաջ հայկական լոբբին զրպարտող շարժում կազմակերպեց Ադրբեջանի դեմ, որին միացան նաև որոշ շրջանակներ, որոնք նախանձում են մեր երկրի զարգացմանը:

Ադրբեջանի արմատական ուժերը՝ արտերկրում ապրող մի քանի դավաճանների հետ, չարախնդացին՝ աջակցելով այդ զրպարտանքներին, բայց, միևնույնն է, ոչնչի չկարողացան հասնել: Եվրոպայի լիգայի եզրափակիչ խաղը հրաշալի էր կազմակերպված և ապացուցեց, որ Ադրբեջանը միշտ պատրաստ է նման իրադարձությունների»,- նշել է Օսմանովը։