Եվրոպայի լիգայի եզրափակչի ընթացքում Բաքվում ծայրահեղ քայլերի են դիմել

477

Շաբաթ, 01 հունիսի, 2019 թ., 04:30

Մայիսի 29-ին Բաքվի «Օլիմպիական» մարզադաշտում կայացած Եվրոպայի լիգայի «Չելսի» - «Արսենալ» խաղի ընթացքում կազմակերպիչներն ստիպված են եղել ծայրահեղ քայլերի դիմել։ Բազմաթիվ խնդիրների պատճառով մարզադաշտի տրիբունաներում չափազանց շատ ազատ տեղեր կային։

Այդ պատճառով Ադրբեջանի իշխանությունները խաղի մեկնարկից մոտ կես ժամ անց որոշել են բացել մարզադաշտի դռները և երկրպագուներին անվճար թույլ տալ մուտք գործել մարզադաշտ:

Մարզադաշտում ներկա երկրպագուների խոսքով՝ կես ժամ անց հայտնված երկրպագուներին բաժանվել են «Արսենալ»-ի դրոշներ՝ ծածանելու համար։ Հավանաբար, այդկերպ Ադրբեջանի իշխանությունը ցանկանում էր ցույց տալ, որ Մխիթարյանի հետ կապված խնդիրը չի ազդել երկրպագուների քանակի վրա։