Արցախում կայացավ չճանաչված երկրների Եվրոպայի առաջնության բացման արարողությունը

Արցախի մայրաքաղաք Ստեփանակերտում կայացավ չճանաչված երկրների Եվրոպայի առաջնության բացման հանդիսավոր արարողությունը:

Նշենք, որ ստուգատեսը կայանալու է հունիսի 1-ից 9-ը։ Պատմության մեջ առաջին անգամ առաջնությունը կկայանա չորս քաղաքներում՝ Ստեփանակերտում, Ասկերանում, Մարտունիում և Մարտակերտում:

Առաջին տուրի հանդիպումները կանցկացվեն հունիսի 2-ին։ Խմբային փուլը կավարտվի հունիսի 4-ին։ Հունիսի 6-ին կկայանան կիսաեզրափակիչ խաղերը, իսկ եզրափակիչ հանդիպումը՝ հունիսի 9-ին։