Պատանի շախմատիստները հաղթանակներով են մեկնարկել Եվրոպայի առաջնությունում

Սլովակիայի Բրատիսլավա քաղաքում այսօր մեկնարկեց Եվրոպայի պատանեկան առաջնությունը: Մրցաշարն անցկացվում է 6 տարիքային խմբերով՝ մինչև 8, 10, 12, 14, 16 և 18:

Հայաստանը մրցաշարում ներկայացնում են 29 շախմատիստ: Մրցաշարի առաջին տուրում Հայաստանի 17 պատվիրակ հաղթանակ տոնեց, 4-ն իրենց պարտիաներն ավարտեցին հաշտությամբ, իսկ 8 պատանի շախմատիստներ պարտվեցին: