Արմեն Սարգսյանն ուղերձ է հղել
![]() 601 Երեքշաբթի, 06 օգոստոսի, 2019 թ., 10:15 Նախագահ Արմեն Սարգսյանի ուղերձը Համահայկական ամառային 7-րդ խաղերի մասնակիցներին և հյուրերին. «Սիրելի՛ հայրենակիցներ, Համահայկական ամառային 7-րդ խաղերի հարգելի՛ մասնակիցներ, Հայաստանի և Արցախի հարգարժա՛ն հյուրեր, Այսօր դուք գտնվում եք հայկական հինավուրց հողում: Սակայն ձեզնից ոչ մեկը հյուր չէ, որովհետև իրականում դուք տուն եք եկել՝ ձեր հարազատ հայկական օջախ: Եկել եք մասնակցելու համահայկական միջոցառման, եկել եք վայելելու հայկական միջավայրը, հարստացնելու այն, եկել եք մրցելու և հաղթելու: Իսկ Արցախն ու արցախցին շատ լավ գիտեն, թե ինչ է հաղթանակը: Այս տարի նշվում է համահայկական խաղերի 20-ամյակը: Ուստի առավել քան խորհրդանշական է համահայկական խաղերն այս անգամ Արցախից՝ պատմական Մեծ Հայքի Արցախ նահանգից սկսելը: Հիշենք, որ 385-ին Մեծ Հայքի Վարազդատ թագավորը դարձավ օլիմպիական խաղերի առաջին հայ չեմպիոնը: Սակայն մեզ համար համահայկական խաղերը պակաս նշանակություն չունեն, քան օլիմպիական խաղերը: Համահայկական այս խաղերին խորհրդանշական երեք ջահ է վառվել՝ հայկական պատմական երեք տարածքներում. Կիլիկյան Հայաստանում՝ Մուսա լեռան ստորոտին, Արարատյան դաշտում՝ Խոր Վիրապում, և Արցախում՝ Տիգրանակերտում: Երեք ջահ մեզ առնվազն երեք պատգամ են փոխանցել՝ միասնական լինելու, մեկ Հայրենիքի շուրջ համախմբվելու և այն հզորացնելու պատգամ: Սիրելի՛ հայրենակիցներ, Համահայկական խաղերը Հայաստան-Արցախ-Սփյուռք եռամիասնությամբ Հայրենիքին վերստին շաղկապվելու բացառիկ հնարավորություն են: Դրանք զուտ մարզական միջոցառում չեն: Ի տարբերություն օլիմպիական խաղերի խորհրդանիշ հինգօղակների, համահայկական խաղերի օղակներն այնքան շատ են, որքան հայկական աշխարհի քարտեզի բազմազանությունը: Աշխարհի ավելի քան 35 քաղաքներ ներկայացնող մասնակիցներ ոչ միայն մրցելու են տարբեր մարզաձևերում, այլև, միացնելով իրենց ձեռքերը, ձևավորելու են միասնություն և համերաշխության խորհրդանշող համահայկական ամուր բռունցքը:Համահայկական խաղերը սպորտի զարգացմանը խթանելուց բացի, մեր ֆիզիկական և հոգևոր առողջությունը խթանող միջոցառում են: Դրանք նաև հայրենաճանաչության և, ինչու չէ, հայրենադարձության հզոր ազդակ են, Հայրենիքին կապվելու, Հայրենիքը սիրելու և նրան մոտիկից օգտակար լինելու ազդակ: Մեկնարկելով Արցախի Հանրապետությունում՝ համահայկական խաղերը մի քանի օրից շարունակվելու են Հայաստանի Հանրապետությունում: Հուսով եմ, որ այցելությունն Արցախ և Հայաստան ձեր մեջ ամենաջերմ ու հաճելի տպավորությունները կթողնի, իսկ մեկնարկող խաղերը կպարգևեն շատ վառ ու հիշարժան պահեր: Հաջողություն և ամենայն բարիք ձեզ»: |
«Նոան» հաղթեց սերբական «Ժելեզնիչար Պանչևո»-ին
167Երեկ, 23:20«Փյունիկը» պատասխան ընկերական խաղում պարտության է մատնել վրացական «Գարեջիին»
32729.06.2025, 23:42Մեր մարզիկները Վրաստանից վերադառնում են 12 մեդալով
24629.06.2025, 21:36Մոլդովայի իշխանությունները արգելել են Ռուսաստանից և Բելառուսից 195 մարզիկների մուտքը երկիր
33729.06.2025, 18:14Ռազմիկ Ոսկանյանը հաղթեց ռուս ըմբիշին և նվաճեց բրոնզե մեդալ
67315.06.2025, 21:0612:2 հաշվով հաղթելով ադրբեջանցի մրցակցին՝ Արեն Փիրուզյանը նվաճեց բրոնզե մեդալ
55315.06.2025, 20:06Հունահռոմեական ոճի ըմբշամարտի Հայաստանի պատանեկան հավաքականը թիմային հաշվարկում առաջինն է (տեսանյութ)
68111.06.2025, 22:36Հայկ Մանուկյանը հաղթեց ադրբեջանցի Նազարովին և հռչակվեց Եվրոպայի չեմպիոն (տեսանյութ)
89211.06.2025, 21:12