Մանուէլ Պետրոսյանն «Աբու Դաբի Մասթերս»-ում կիսեց 3-րդ տեղը

620

Երեքշաբթի, 13 օգոստոսի, 2019 թ., 13:00

Արաբական Միացյալ Էմիրություններում ավարտվեց «Աբու Դաբի Մասթերս» հզոր միջազգային մրցաշարը, որին մասնակցում էր 151 շախմատիստ: Մասնակիցների թվում էր 55 գրոսմայստեր, իսկ ընդհանուր առմամբ 155 մասնակցից 124 կրում էին միջազգային կոչումներ: Մրցաշարում Հայաստանը ներկայացնում էին Վլադիմիր Հակոբյանը, Սամվել Տեր-Սահակյանը ու Մանուէլ Պետրոսյանը: Մեր մասնակիցներից լավագույն արդյունքը ցույց տվեց Մանուէլ Պետրոսյանը, ով վերջին տուրում հաղթեց Սամվել Տեր-Սահակյանին և 6.5 միավորով կիսեց 3-11-րդ հորիզոնականները: Լրացուցիչ ցուցանիշների հաշվարկից հետո Պետրոսյանը գրավեց 7-րդ հորիզոնականը: Սամվել Տեր-Սահակյանը և Վլադիմիր Հակոբյանը վաստակեցին 5.5-ական միավոր և գրավեցին համապատասխանաբար 33-րդ և 35-րդ տեղերը: Մրցաշարի հաղթող դարձավ Բաադուր Ջոբավան: