Հադրութում բռնցքամարտի մրցաշար է անցկացվել

Օգոստոսի 15-ին Արցախի Հադրութ քաղաքում կայացել է բռնցքամարտի մրցաշար՝ նվիրված Հադրութ քաղաքի վերածննդի 27-ամյակին: Մրցաշարին մասնակցել է մոտ 70 մարզիկ՝ Ստեփանակերտից, Հադրութից և Կարմիր Շուկայից: Առաջնությանն ընդգրկված էին պատանիների 3 տարիքային խմբեր՝ 10-12, 12-14, 14-16: Մրցանակային տեղեր գրաված մարզիկները պարգևատրվել են համապատասխան հավաստագրերով և մեդալներով: