Չորեքշաբթի, 25 մարտի, 2026 թ.
|
Ստեփանակերտում`   +9 °C

Թրամփը Google-ին մեղադրել է Քլինթոնի օգտին մանիպուլյացիայի համար

Թրամփը Google-ին մեղադրել է Քլինթոնի օգտին մանիպուլյացիայի համար
939
Երեքշաբթի, 20 օգոստոսի, 2019 թ., 15:55

ԱՄՆ նախագահ Դոնալդ Թրամփը հայտարարել է, որ Google-ը պետք է պատասխանատվության ենթարկվի Հիլարի Քլինթոնի օգտին ընտրողների ձայները շահարկելու համար:
«2016-ի ընտրությունների ժամանակ Google-ը մանիպուլյացիայի է ենթարկել 2.6-16 միլիոն ընտրողների ձայները՝ հօգուտ Հիլարի Քլինթոնի: Google-ին պետք է դատի տալ»,- գրել է ԱՄՆ նախագահը Twitter-ի իր էջում:
«Այս զեկույցը հրապարակվել է մի անձի կողմից, ով աջակցել է Քլինթոնին, ոչ թե Թրամփին»,- գրել է Թրամփը:
Ավելի վաղ, Դոնալդ Թրամփը հայտարարել էր, որ «շատ ուշադիր հսկելու է Google-ին»՝ ընկերությանը կասկածելով 2016-ի նախագահական ընտրություններին միջամտելու մեջ:
Թրամփը չի հստակեցրել, թե որ զեկույցի մասին է խոսքը: Այնուամենայնիվ, նա իր թվիթերյան գրառմանը կցել է Judicial Watch կազմակերպության թվիթերյան հղումը: Այս կազմակերպությունը մասնագիտանում է պաշտոնյաների գործողությունները քննելու գործում:

Կարդացե՛ք նաև