ԱԺ պատգամավորներն Էյվազովի քսենոֆոբ պահվածքի առնչությամբ նամակ կհղեն Բունդեսթագ

1503

Երեքշաբթի, 21 հունվարի, 2020 թ., 20:05

ՀՀ Ազգային ժողովի պատգամավորները նամակ կհղեն Գերմանիայի Բունդեսթագ՝ հայ երգչուհի Ռուզան Մանթաշյանի ելույթը Դրեզդենում ադրբեջանցի երգչի քսենոֆոբիկ պահանջով կասեցնելու առնչությամբ: Այս մասին այսօր Ազգային ժողովում հայտարարեց «Իմ քայլը» խմբակցության անդամ Արթուր Մանուկյանը:

Ինչպես ավելի վաղ հայտնել ենք, «Semper Opernball փառատոնը կասեցրել է երգչուհի Ռուզան Մանթաշյանի ելույթը՝ ադրբեջանցի տենոր Յուսիֆ Էյվազովի պահանջով: Պատճառը Ռուզան Մանթաշյանի հայազգի լինելն է:

«Մենք՝ ԱԺ գիտության, կրթության, մշակույթի և երիտասարդության հարցերի մշտական հանձնաժողովը, պատրաստել ենք մի նամակ, որը կուզենայինք, որ հնարավորինս շատ պատգամավորներ ստորագրեին: Նամակն ուղղված է Բունդեսթագին, որպեսզի նրանց ուշադրությունը հրավիրենք Դրեզդենում կատարվող քսենոֆոբիկ դրսևորումների վրա»,- ասաց Մանուկյանը: