Երեքշաբթի, 18 փետրվարի, 2020 թ.
|
Ստեփանակերտում`   -5 °C

ԵԱՀԿ անդամ պետությունների դեսպանները հրատապ այցելել են ԱԺ

ԵԱՀԿ անդամ պետությունների դեսպանները հրատապ այցելել են ԱԺ
244
Չորեքշաբթի, 05 փետրվարի, 2020 թ., 21:15

ԱԺ են այցելել մեր երկրում ԵԱՀԿ անդամ պետությունների դեսպանները և հանդիպում են ԱԺ նախագահի հետ։ «Փաստինֆո»-ն գրում է, որ հրատապ հանդիպման պատճառը վաղը հրավիրված ԱԺ արտահերթ նիստում ընդգրկված օրինագծերն են:
Օրակարգում ընդգրկված են իմքայլական Վահագն Հովակիմյանի հեղինակած ԱԺ կանոնակարգ և Հանրաքվեի մասին օրենքներում փոփոխությունների նախագծերի փաթեթն է, որով նախատեսվում է շրջանցել սահմանադրական փոփոխությունների նախագիծը եզրակացություն ստանալու համար ՍԴ ուղարկելու պարտադիր պահանջը և այսօր «Իմ քայլը » խմբակցության 37 պատգամավորների կողմից շրջանառության մեջ դրված ՀՀ Սահմանադրությունում փոփոխություն կատարելու մասին նախագիծը , որով առաջարկվում է դադարեցնել ՍԴ 7 դատավորների լիազորությունները, որոնք պաշտոնավարում էին մինչև իշխանափոխությունը։

Ընդ որում՝ խորհրդարանական մեծամասնությունը մտադիր է Սահմանադրության մեջ փոփոխություն կատարել մեկ օրում՝ այն ընդունելով առաջին և երկրորդ ընթերցմամբ՝ առանց որևէ հանրային և մասնագիտական քննարկման։