Արարատ Միրզոյանը՝ ԱԺ քննիչ հանձնաժողովի, Սերժ Սարգսյանի ու կաթողիկոսի հայտարարության մասին

ԱԺ նախագահ Արարատ Միրզոյանն ապրիլի 17-ին լրագրողների հետ ճեպազրույցում դրական է գնահատել 2016 թվականի ապրիլին ծավալված ռազմական գործողությունների հանգամանքներն ուսումնասիրող քննիչ հանձնաժողովի աշխատանքը:

«Քննիչ հանձնաժողովը շատ լավ է աշխատում, բոլոր հնարավոր մանրամասների մեջ խորանում է այնքան, ինչքան դա հնարավոր է»,- ասաց նա: Ըստ ԱԺ նախագահի՝ հանձնաժողովի աշխատանքի ավարտից հետո հանրությունն ամբողջական տեղեկատվություն կստանա: Ինչ վերաբերում է ՀՀ 3-րդ նախագահ Սերժ Սարգսյանի՝ հանձնաժողով ներկայանալուն, ապա, Միրզոյանի, նախկին նախագահի մուտքն ԱԺ պատշաճ կատարվել է, նրան հնարավորություն է տրվել անգամ խորհրդարան մտնել ԱԺ նախագահի համար նախատեսված առանձին մուտքով:
Անդրադառնալով ՀՀ առաջին նախագահ Լևոն Տեր-Պետրոսյանի պնդմանը, թե հանձնաժողովի աշխատանքը պետք է սառեցնել, նշեց. «Չեմ կարծում, որ անհրաժեշտություն կա ապրիլյան դեպքերի հանձնաժողովի գործունեությունը սառեցնելու, դրա օրենսդրական հնարավորությունն էլ չկա»:
ԱԺ նախագահը հրաժարվեց որևէ տեսակետ հայտնել Ալեն Սիմոնյանի՝ Ամենայն հայոց կաթողիկոսին ուղղված գրառման վերաբերյալ։ Ինչ վերաբերում է կաթողիկոսի հայտարարությանը, նշեց, որ պետությունն ու եկեղեցին անջատ են և չպետք է խառնվեն միմյանց գործերին: Միևնույն ժամանակ՝ կաթողիկոսը ևս ՀՀ քաղաքացի է և ունի բոլոր այն իրավունքները, որոնք ունեն ՀՀ մնացած քաղաքացիները: