«Գրածիս հետևում տասնյակ ուսուցիչների ու ծնողների մտահոգություններն են». Աննա Կոստանյան
![]() 606 Ուրբաթ, 01 մայիսի, 2020 թ., 11:00 ԱԺ «Լուսավոր Հայաստան» խմբակցության պատգամավոր Աննա Կոստանյանը ֆեյսբուքյան իր էջում գրել է. «Ներողություն, որ նորից որպես քննադատություն պիտի հնչեցնեմ, բայց չանդրադառնալ չեմ կարող, քանի որ գրածիս հետևում տասնյակ ուսուցիչների ու ծնողների մտահոգություններն են, որոնք կարծես թե մնում են արհամարհված ու անպատասխան, ու եթե նույնիսկ մեկ ուսուցիչ կամ մեկ ծնող մտահոգվեր, միևնույնն է հարցին նույն լրջությամբ ու ողջախոհությամբ և պատասխանատվությամբ պետք է մոտենալ։ Այս նոր՝ մարտի 13-ից հետո ստեղծված կորոնավիրուսային կրթական իրականության մեթոդաբանական փոփոխություններ անելը ճիշտ մոտեցում չէ։ Արդարացում չէ, որ եթե Հանրապետության աշակերտների 20, 25, 30, նույնիսկ 40 կամ 50 տոկոսը հնարավորություն չի ունեցել մասնակցելու հեռավարի դասերին, մյուս մասին պետք է զրկել նոր հեռավար ուսումնական հաջողությունների ու ձեռքբերումների թվանշային գնահատումից։ Եվ մի՛ ասեք, թե գնահատականի համար չպետք է սովորել, այլ գիտելիքի ու դրա պահանջի։ Այո, գիտելիքի, բայց քանի կրթական համակարգում առանցքային է գնահատումը թվանշանով, չենք կարող զերծ մնալ դրա ազդեցությունից ու հետևանքից։ Եթե այդպես է, ուրեմն չեղարկեք ամբողջ տարվանը, չէ որ գիտելիքի համար ենք սովորում։ Ինչո՞ւ պետք է հանրակրթության շահառուների կեսին «զոհել» մյուս կեսի համար կամ պատճառավ։ Իսկ երեխաների ապրումներն արդյոք հաշվի չե՞ն առնվում, իսկ ուսուցիչների կողմից ներդրված ջանքե՞րը՝ մինչև գիշերվա ուշ ժամին աշխատանքներ ստուգելն ու ամբողջ օրը հեռախոսներով աչք կուրացնելը, սխալները շտկելը, իսկ ծնողների առօրյա լարվածությունը տան պայմաններում կենցաղային հոգսերի մեջ ապահովել հանգիստ միջավայր, որպեսզի երեխաները չկտրվեն ուսումնական պրոցեսից։ Սա ձեր պատասխանատվությունն է, այս ամբողջ բեռը ձեր ուսերին է, երկամսյա ծավալուն աշխատանքը ջուրը մի' լցրեք։ Եվ վերջում, 2018-ից ի վեր կրթական համակարգում տեղի ունեցող փոփոխությունների գնահատման մասին կան ուսումնասիրություններ, որոնք հստակ ցույց են տալիս, թե մեր կառավարության այնքան սիրելի «կորը» որ ուղղությամբ է շարժվել։ |
ՆԳ նախարարության կրթահամալիրի ռեկտորի պաշտոնում ընտրվել է Մանուկ Մուրադյանը
170Երեկ, 20:48ԵՊՀ ռեկտորն աշխատանքից ազատել է Աստվածաբանութան ֆակուլտետի դեկան Անուշավան սրբազան Ժամկոչյանին
155Երեկ, 19:36«ԵՊՀ-ում դադարեցվել է Ազգալդյանի անվան մարտական պատրաստության ակումբի գործունեությունը»․ Էդուարդ Գալստյան
168Երեկ, 14:42«Պաշտոնից ազատման ծանուցում եմ ստացել ԵՊՀ-ից»․ Էդուարդ Գալստյան
33109.07.2025, 16:00«Ամաչում եմ, որ դուք դեռ ԵՊՀ ռեկտորն եք»․ Խաչիկ Աբաջյան (լուսանկար)
33609.07.2025, 13:42«Կիրանցում Նիկոլ Փաշինյանին երկու ձեռքով բարևողին նոր պաշտոն են տվել». Ոսկան Սարգսյան
74202.07.2025, 13:48«Հայոց պատմություն» և «Ֆիզիկա» առարկաների քննությունների թեստերն ու պատասխանները
68827.06.2025, 16:12Այսօր դիմորդները քննություն են հանձնում «Հայոց պատմություն» և «Ֆիզիկա» առարկաներից
58527.06.2025, 08:54