«Լևոն Արոնյանի նոր ընկերուհու մասին չարախոսողների վրա զայրանալ չարժե». Նարեկ Սարգսյան

Ջութակահար Նարեկ Սարգսյանը ֆեյսբուքյան իր էջում գրել է. «Լևոն Արոնյանի նոր ընկերուհու մասին չարախոսողների վրա զայրանալ չարժե։ Էդ խեղճ մարդիկ չգիտեն, թե սերն ինչ է։ Իրենք, միգուցե, տասնյակ տարիներով ապրել են ամուսնական կյանքով ու ոչ մի օր երջանիկ չեն եղել։

Իրենք չգիտեն, որ սերը չի հարցնում ո՛չ ժամանակ, ո՛չ պայմաններ, ո՛չ էլ բամբասկոտ խավի կարծիքը։ Ավելին, իրենք չգիտեն, որ երբեմն կյանքը մարդուն ձեռք ա մեկնում էն պահին, երբ մարդն ամենաշատն օգնության կարիք ունի։ Երբ թվում ա, որ կյանքն անիմաստ ա, ամեն ինչ կորած ա, մեկ էլ կարծես անտեսանելի ինչ-որ ձեռք գալիս ա ու քեզ էդ անդունդից հանում ա։

Սերն ա օգնում, որ մարդն ապրի։ Առանց սիրո կյանքը իմաստ չունի։ Եթե դու մի գիշեր ես ունեցել քո սիրած մարդու հետ, դա ավելին արժի քան 50 տարվա հարուստ-ապահով կյանքը չսիրած մարդու հետ։

Սիրած մարդու ժպիտը պատկերացնելը ավելի մեծ արժեք ա տալիս կյանքին, քան չսիրած մարդու ամենամեծ հոգատարությունը։

Մի խոսքով, հոգնած եմ, շատ չեմ ուզում խորանալ, բայց ասում եմ՝ սիրուց կարևոր ոչինչ չկա։ Ու եթե քեզ կյանքը տվել ա էդ սերը, ու էն էլ էդպիսի դժվարին շրջանում, ուրեմն դա պիտի ընդունել որպես երկնքից իջած մանանա»։