«Կոչ եմ անում մեր բիզնեսին, որ անեն նախապես պլանավորված ներդրումները». Գևորգ Պապոյան

ԱԺ պատգամավոր Գևորգ Պապոյանը ֆեյսբուքյան իր էջում գրել է. «Եթե թիկունքում մեր սովորականին նման կյանքով չապրենք, տնտեսությունը իր սովորական հունով չգնա, չշարունակենք ծախսեր կատարել, ներդրումներ կատարել, կամ հարկեր քիչ վճարենք և թաքցնենք, ապա դրանով առաջին հերթին կհարվածենք Հայաստանի պաշտպանունակությանը:
- Տնտեսության մեջ այսօրվա խնայված, չծախսված գումարը խնդիր է վաղը բանակի համար, զինվորի համար: Չպահանջած ու չտրամադրած ՀԴՄ կտրոնը չգնված փամփուշտ է, չգնված զենք:
- Հանուն մեր սահմանին կանգնած զինվորի, հանուն թիկունքը ամուր պահելու՝ մենք ևս պետք է ամուր լինենք ու շարունակենք ապրել այնպես, ինչպես ապրել ենք: Մենք պետք է հասկանանք, որ այդ ծախսերը կատարելը հանուն զինվորի է, հանուն Հայաստանի է, հանուն Արցախի է:
- Մեր քաղաքացիները վստահում են մեր պետությանը և դրա ապացույցն այն է, որ պետական պարտատոմսերի պահանջարկը մի քանի անգամ ավելի շատ է եղել, քան պետությունը թողարկել է:
- Կոչ եմ անում մեր բիզնեսին, որ անեն նախապես պլանավորված ներդրումները: Հիմա ժամանակն է, այս պահին ներդրումներ անելը նաև հայրենասիրություն է»: