«Թուրքիան ներսում է»․ Անկարան հայտարարել է, թե ինչպես է մասնակցում ԼՂՀ-ում հակամարտության կարգավորմանը

Թուրքիան գտնվում է Լեռնային Ղարաբաղի հակամարտության կարգավորման գործընթացի ներսում՝ «ինչպես դաշտում, այնպես էլ բանակցությունների սեղանի շուրջ», հայտարարել է երկրի պաշտպանության նախարար Հուլուսի Աքարը, փոխանցում է РИА Новости-ն:
«Որտե՞ղ է (Ղարաբաղի հարցով համաձայնագրում) Թուրքիան։ Թուրքիան ներսում է։ Ե՛վ սեղանի շուրջ, և՛ դաշտում... Վաղը Ռուսաստանից մեծ պատվիրակություն է ժամանելու։ Կքննարկվեն տակտիկական և տեխնիկական մանրամասները, թե ով որտեղ է կանգնելու և ով ինչ է անելու»,- ասել է Աքարը։