Մեկնարկել են շախմատի Հայաստանի տղամարդկանց և կանանց 1-ին խմբի մրցաշարերը

665

Կիրակի, 24 հունվարի, 2021 թ., 10:55

Տիգրան Պետրոսյանի անվան շախմատի տանը մեկնարկել են շախմատի Հայաստանի տղամարդկանց և կանանց առաջին խմբի մրցաշարերը: Տղամարդկանց մրցաշարին մասնակցում է 14 շախմատիստ, նրանց շարքում՝ 5 գրոսմայստեր և 5 միջազգային վարպետ: Տղամարդկանց մրցաշարին մասնակցում է նաև կանանց Հայաստանի հավաքականի անդամ Աննա Սարգսյանը: Կանանց մրցաշարին մասնակցում է 10 շախմատիստ:

Տղամարդկանց մրցաշարի առաջին տուրում հաղթանակներ են տոնել Տիգրան Հարությունյանը, Արթուր Դավթյանը, Արման Միքայելյանը, Դավիթ Շահինյանը, Մամիկոն Ղարիբյանը և Ալեն Երեմյանը: Լևոն Բաբուջյան – Հովիկ Հայրապետյան պարտիայում գրանցվել է ոչ ոքի:

Կանանց մրցաշարի առաջին տուրում հաղթել են Արփինե Գրիգորյանը, Աստղիկ Հակոբյանը, Նարե Առաքելյանը և Մարիամ Ավետիսյանը: Միակ ոչ-ոքին գրանցվել է Վերոնիկա Խաչատարյան – Աննա Խաչատրյան պարտիայում: