Ռուս զինծառայողները պատրաստվում են աշխատել ռուս-թուրքական համատեղ մոնիթորինգի կենտրոնում

Ռուսաստանյան զինծառայողները, որոնք կընդգրկվեն Լեռնային Ղարաբաղի հակամարտության գոտում հրադադարի վերահսկողության ռուս-թուրքական համատեղ կենտրոնի կազմում, հրադադարի ռեժիմի մոնիթորինգի խնդիրների համատեղ կատարման նախապատրաստություն են անցնում և պատրաստվում են մեկնել Ադրբեջանի Հանրապետության տարածք: Այս մասին հայտնում է ՌԴ ՊՆ-ը:
«Պատրաստության ընթացքում զինծառայողներն ուսումնասիրում են կենտրոնի կառուցվածքը, նշանակությունը, խնդիրներն ու գործառույթները, աշխատանքի կազմակերպման կարգը, ինչպես նաև այն երկրի մշակույթը, ավանդույթներն ու առանձնահատկությունները, որի տարածքում պետք է կատարվեն խնդիրները:
Համատեղ կենտրոնի անձնակազմը, որը համարժեքության հիմունքներով ներկայացվել է ռուսական և թուրքական կողմերից, կկատարի իրադրության մոնիթորինգի և կրակի ու բոլոր մարտական գործողությունների դադարեցման ռեժիմի պահպանման վերահսկողության առաջադրանքներ՝ անօդաչու թռչող սարքերի օգտագործմամբ»,- ասված է հայտարարության մեջ։