Երկուշաբթի, 20 ապրիլի, 2026 թ.
|
Ստեփանակերտում`   +8 °C

Իրանը պատրաստ է միջուկային գործարքին վերադառնալ մյուսներից «1 ժամ անց»

Իրանը պատրաստ է միջուկային գործարքին վերադառնալ մյուսներից «1 ժամ անց»
882
Չորեքշաբթի, 27 հունվարի, 2021 թ., 17:40

Թեհրանը պատրաստ է վերադառնալ միջուկային գործարքի կատարմանը «1 ժամ անց», բայց սկզբում դա պետք է անեն մյուսները, հայտարարել է Իրանի նախագահ Հասան Ռոհանին:
«Մենք միշտ ասել ենք՝ վերադարձեք ձեր պարտավորություններին, և արդեն 1 ժամ անց մենք կվերադառնանք մեր բոլոր պարտավորություններին»,–կառավարության նիստի ընթացքում ասել է Ռոհանին:
Իրանի նախագահը՝ Վաշինգթոնում Ջո Բայդենի վարչակազմի աշխատանքի ֆոնին հայտարարել է, որ ամբողջ աշխարհը ցանկանում է, որ ԱՄՆ-ը վերադառնա միջուկային գործարքին:
Ավելի վաղ Թեհրանում հայտարարել էին, որ ԱՄՆ-ի հետ բանակցությունները Իրանի ծրագրերի մեջ չեն մտնում, իսկ այդ ուղղությամբ ցանկացած առաջընթաց կախված է Վաշինգթոնի գործնական քայլերից, այդ թվում՝ պատժամիջոցների չեղարկումից: