Լիբանանի բանակը Տրիպոլիում ցուցարարներին ցրելու համար զրահատեխնիկա է դուրս բերել

Լիբանանի բանակը զրահամեքենաներ է գործարկել Տրիպոլիի կենտրոնում ցուցարարներին ցրելու համար, փոխանցում է РИА Новости-ն:

Քաղաքապետարանի շենքի մոտ, որտեղ ավելի վաղ նռնակ է պայթել, ևս մեկ պայթյուն է լսվել: Ականատեսների խոսքով՝ ցուցարարներից մեկը կրկին ռազմական նռնակ է նետել։
Բանակը ուժ է կիրառել քաղաքացիների դեմ, որոնք փորձել են ջարդել մոտակայքում գտնվող խանութների ցուցափեղկերը։
Տրիպոլիում անկարգություններ են սկսվել երկուշաբթի։ Մարդիկ դուրս են եկել փողոցներ՝ պահանջելով բարելավել կենսապայմանները։ Ցույցերի մասնակիցները իշխանություններին մեղադրում են անգործության մեջ և հանդես են գալիս կորոնավիրուսի պատճառով երկարացված կարանտինի դեմ: