Աննա Դանիբեկյանը մերժեց ինքնաբացարկ հայտնելու մասին Արմեն Գևորգյանի պաշտպանի միջնորդությունը

Ռոբերտ Քոչարյանի և մյուսների գործով երեկ տեղի ունեցած դատական նիստին «Մարտի 1»-ի գործով ամբաստանյալ Արմեն Գևորգյանի պաշտպան Էրիկ Ալեքսանյանն ինքնաբացարկի միջնորդություն էր ներկայացրել դատավոր Աննա Դանիբեկյանին:

Այսօր՝ փետրվարի 3-ին դատարանը հրապարակեց բացարկի միջնորդության վերաբերյալ որոշումը․ «Դատարանը որոշեց Արմեն Գևորգյանի պաշտպան Էրիկ Ալեքսանյանի միջնորդությունը նախագահող դատավորին ինքնաբացարկ հայտնելու մասին մերժել։ Որոշումը ենթակա չէ բողոքարկման։ Հաշվի առնելով վարույթումս գտնվող այլ գործերով նախապես նշանակված դատական նիստերի առկայությունը, այսօրվա դատական նիստը հետաձգվում է և նշանակվում է փետրվարի 9-ին՝ ժամը 13։00-ին»,- հայտարարեց նախագահող դատավոր Աննա Դանիբեկյանը;