Բորելը հայտարարել է, որ ԵՄ-ի և Ռուսաստանի միջև տարաձայնություններ են մնացել

ԵՄ արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելը հայտարարել է, որ ՌԴ-ի և ԵՄ-ի միջև մի շարք հարցերի շուրջ տարաձայնություններ են մնացել, բայց պետք է համագործության հնարավորություններ փնտրել:

Նրա խոսքով, կան ոլորտներ, որտեղ կողմերը կարող են և պետք է համագործակցեն, քանի որ այդ դեպքում լավ արդյունքների կհասնեն։
«Անհրաժեշտ է գտնել ընդհանուր լեզու և փոխըմբռնման ոլորտներ։ Սա է իմ այցի նպատակը։ Սա միայն առաջին քայլն է։ Մենք տարաձայնություններ ունենք մի քանի հարցերի շուրջ, բայց, այնուամենայնիվ, անհրաժեշտ է փնտրել ոլորտներ, որտեղ մենք կարող ենք համաձայնության հասնել և համագործակցել»,- ասել է Բորելը՝ ՌԴ ԱԳ նախարար Սերգեյ Լավրովի հետ բանակցություններից հետո: