Բաքվում՝ նավի վրա, հրդեհ է բռնկվել

Հրդեհ է տեղի ունեցել Բաքվի Սուրախանի շրջանում գտնվող նավի վրա։ Հակահրդեհային ծառայության ստորաբաժանումները մասնակցում են հրդեհաշիջման աշխատանքներին, РИА Новости-ին հայտնել են երկրի արտակարգ իրավիճակների նախարարությունից:
«Ադրբեջանի ԱԻՆ ճգնաժամային իրավիճակների կառավարման կենտրոն տեղեկություն է ստացվել Բաքվի Սուրախանի շրջանի Հովսան ավանում նավի վրա բռնկված հրդեհի մասին»,- հայտնել են գերատեսչության մամուլի ծառայությունից:
Պարզաբանել են նաև, որ հրդեհի վայրում ներգրավված են հակահրդեհային ծառայության ստորաբաժանումները, հրդեհի մարումը շարունակվում է:
Լրացուցիչ տեղեկատվություն դեռևս չկա։