«Մենք ցանկացած դեպքում մասնակցելու ենք ընտրություններին և հաղթելու ենք»․ Գևորգ Գորգիսյան

«Մենք ցանկացած դեպքում մասնակցելու ենք ընտրություններին և հաղթելու ենք»,- այսօր լրագրողների հետ ճեպազրույցում ասաց ԼՀԿ պատգամավոր Գևորգ Գորգիսյանը։

«Եթե «Իմ քայլը» գնում է Ընտրական օրենսգրքի փոփոխության, նշանակում է խախտում է ձեռք բերված պայմանավորվածությունը»,- ասաց պատգամավորը՝ նշելով, որ խմբակցությունում բուռն քննարկումներ ենք ընթանում և հետագա քայլերի վերաբերյալ ոչինչ բացառել չի կարող։

Հարցին, թե որտեղից պատգամավորին նման վստահություն, որ կհաղթեն, Գորգիսյանն ասաց․ «ԼՀԿ-ն միշտ եղել է կապի մեջ քաղաքացիների հետ։ Ես ունեմ էդ վստահությունը, որ քաղաքացիները հոգնել են գործող իշխանություններից և որևէ պարագայում չեն ուզում հների վերադարձը»: