Չորեքշաբթի, 09 հուլիսի, 2025 թ.
|
Ստեփանակերտում`   +18 °C

Բորելը Ռուսաստանին «վտանգավոր հարևան» է անվանել

Բորելը Ռուսաստանին «վտանգավոր հարևան» է անվանել
781
Չորեքշաբթի, 24 մարտի, 2021 թ., 14:12

ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը Ռուսաստանին «վտանգավոր հարևան» է անվանել, սակայն կոչ արել բաց պահել կապի ուղիները՝ փոխադարձ հետաքրքրություն ներկայացնող հարցերի լուծման համար:
ԵՄ-ի գերագույն ներկայացուցիչը չորեքշաբթի ժամանել է Բրյուսել՝ մասնակցելու ՆԱՏՕ-ի անդամ երկրների ԱԳ նախարարների նիստի 2-րդ օրվան, որի ընթացքում քննարկվելու են դաշինքի հարաբերությունները Ռուսաստանի հետ:
«Մենք պետք է քննարկենք Ռուսաստանի հետ կապի ուղիները։ Ռուսաստանը հարևան է, վտանգավոր հարևան, բայց մենք պետք է նրանց հետ կիսենք որոշ հարցեր, որոնց վերաբերյալ մենք ընդհանուր շահեր ունենք, ինչպիսիք են Իրանի հետ միջուկային համաձայնագիրը կամ կլիմայի փոփոխությունը: Բայց դրա հետ մեկտեղ մենք պետք է զսպենք և հակազդենք Ռուսաստանին»,-ասել է նա։