«Շատ կարևոր է հաղթանակով սկսել ընտրական փուլը». Լևոն Պաչաջյան

425

Հինգշաբթի, 25 մարտի, 2021 թ., 17:44

Հայաստանի ազգային հավաքականի նախկին կիսապաշտպան, Եվրոպայում ՀՖՖ դեսպան Լևոն Պաչաջյանը ֆեյսբուքյան իր էջում գրել է. «Այսօր Հայաստանի Ազգային Հավաքականը Լիխտեյնշտեյնի հետ խաղով մեկնարկում է ԱԱ ընտրական փուլում: Շատ կարևոր է հաղթանակով սկսել ընտրական փուլը, որովհետև բոլորս ենք հասկանում, թե ինչքան բարդ խմբում ենք հայտնվել:
Անցած տարվա ԱԼ-ի C խմբում ձեռք բերած հաղթանակը և այն ձեռագիրը, որը հավաքականը կերտել է այս ընթացքում, հույս է տալիս, որ մենք ականատես կլինենք շատ ավելի մեծ հաղթանակների:
Չնայած մեծ կորուստներ ունենք խաղից առաջ, ի դեմս թիմի ավագ Մխիթարյանի և շատ փորձառու Գևորգ Ղազարյանի, միևնույն է, մեր հավաքականը համարվում է այս խաղի ֆավորիտ: Ֆավորիտ լինելը դեռ հաղթանակ չէ, այն պետք է դաշտում վաստակել, այնպես որ հաղթանակ եմ մաղթում մեր հավաքականին և լիահույս, որ Վադուցից 3 միավորով մերոնք տուն կվերադառնան:
Առա՛ջ դեպի հաղթանակ»: