«Հաղթել ենք օբյեկտիվորեն մեզնից զգալիորեն ավելի ուժեղ մրցակցի». Նարեկ Սարգսյան

Ջութակահար, ՀԱԿ անդամ Նարեկ Սարգսյանը ֆեյսբուքյան իր էջում գրել է. «Պրոֆեսիոնալ մարզիչ, տակտիկա, համարձակություն, ռիսկ, մի քիչ էլ մարզական հաջողություն ու... 9 հնարավորից 9 միավոր: Կապառոսը Ժիրայր Շաղոյանին երկրորդ խաղակես հանեց... 19 տարեկան Շաղոյանին, որը նույնիսկ Հայաստանի բարձրագույն խմբում դեռ չի խաղում: Ու մեր ախպերը նենց էր գնդակի հետ վարվում, նենց էր խաղը իրա վրա վեկալում, ոնց որ մի 10 տարի հավաքականում խաղալուց լիներ: Հիանալի արդյունք ա ուղղակի: Հալալ ա Տիգրան Բարսեղյանին, իսկ Խորեն Բայրամյանի նման ջիգյար գոյություն չունի: Բրավո բոլորին, հատկապես՝ Կապառոսին, որի պրոֆեսիոնալիզմը երևում ա թիմի խաղից: Եթե էսօր պարտվեինք, էլի նույնն էի ասելու: Մենք հաղթել ենք օբյեկտիվորեն մեզնից զգալիորեն ավելի ուժեղ մրցակցի: Հաղթել ենք առաջին հերթին խելքով:
ՀԳ. Պատկերացնո՞ւմ ե՞ք, որ Մխիթարյանն էլ միանա տղերքը ինչերի ընդունակ կլինեն»: