«Ռուսաստանի ռազմավարական շահերի գոտում լարվածության պարագծերը շատանում են». Արմեն Գևորգյան
![]() 935 Ուրբաթ, 30 ապրիլի, 2021 թ., 09:52 ՀՀ նախկին փոխվարչապետ Արմեն Գևորգյանը թելեգրամյան իր էջում գրել է. «Տեսանելի և անտեսանելի գործընթացներ են ընթանում մեր շուրջը: Երբ ասում եմ մեր շուրջը, նկատի ունեմ ոչ միայն Հայաստանը, այլ նաև Ռուսաստանը, ՀԱՊԿ-ը և մեր հարևաններին: Այսօր տեղեկություններ կային ՀԱՊԿ երկու անդամների՝ Ղրղզստանի և Տաջիկստանի սահմանին ռազմական բախումների մասին: Ռուսաստանի ռազմավարական շահերի գոտում լարվածության պարագծերը շատանում են: Շատ հասկանալի մարտավարություն է՝ Ռուսաստանի հնարավորությունները և ռեսուրսները հնարավորինս տարալուծելը: Չեմ զարմանա, եթե հանկարծ պարզվի, որ նման սրացման հետևում թյուրքական ականջներ են կրկին աճում: Կյանքը ցույց է տալիս, որ Ռուսաստանի ռազմավարական շահերի տարածաշրջանում լարվածությունը միայն կաճի: Մեր դաշնակցային հարաբերությունները ենթադրում են, որ Հայաստանը պետք է լինի ուժեղ և հուսալի գործընկեր, որպեսզի կարողանա կատարել ոչ միայն իր, այլև դաշնակցային պարտավորությունները: Առաջիկա ընտրություններն առաջին հերթին երկրի զարգացման աշխարհաքաղաքական ընտրությունն են: Հունիսի 20-ին կանցկացվեն դեռևս չնշանակված ընտրությունները: Գրեթե բոլոր քաղաքական ուժերը պատրաստ են արտահերթ խորհրդարանական ընտրությունների: Այլևս նշանակություն չունի, թե ինչ են ցույց տալիս սոցիոլոգիական հարցումները: Բոլորը պատրաստ են մարտի գնալ: Մտահոգված եմ նրանով, որ գործընթացի շատ մասնակիցներ կմոռանան խոսել Նիկոլի կառավարման աղետալի արդյունքների, 44-օրյա պատերազմի պատճառների և հետևանքների մասին: Չեն խոսելու նոր ծրագրերի մասին, չեն քննարկելու նոր գաղափարներ, այլ կենտրոնանալու են անձերի վարկաբեկման, անցյալը սևացնելու և ապագան մեզանից հեռացնելու վրա: Ակնհայտ է, որ կայունությունն ու քաղաքական ճգնաժամի լուծումը երկրում, ինչպես նաև վստահությունը որպես դաշնակցի կգան միայն Նիկոլի իշխանությունից հեռանալուն պես: Քանի դեռ դա տեղի չի ունեցել, մենք կլինենք անընդհատ խառնաշփոթի և հնարավոր քաղաքացիական դիմակայության իրավիճակում, տնտեսական ճգնաժամը կխորանա, միգրացիան կաճի, իսկ անվտանգությունը կթուլանա: Չկա ուրիշին զիջելու Հայաստան»: |
«Գրաքննությունն ահագնանում է, երբ մոտենում են ընտրությունները»․ Ստեփան Դանիելյան
9703:06«Նազարյան Գեղամը դարձել է Փաշինյանի ամենաուժեղ միկրոֆոններից մեկը»․ Շիրազ Խաչատրյան
11701:30«Այս զառանցանքի նպատակն է ջնջել մեր ինքնությունը, ունենալ վերահսկելի հասարակություն»․ Լիլիթ Գալստյան
142Երեկ, 22:54«ՔՊ-ում դիմագիծ ունեցող մարդ չպետք է լինի, Հայկ Սարգսյանը կլքի ՔՊ-ի շարքերը»․ Հովիկ Աղազարյան (տեսանյութ)
243Երեկ, 22:42«Ինքնիշխանություն հասկացությունը պետական հռետորաբանությամբ վերածվում է զավեշտի». Հակոբ Բադալյան
173Երեկ, 22:12«Ադրբեջանը պահանջ կդնի, թե ինչ զիջումներ անի Փաշինյանը՝ իրեն օժանդակելու և վերընտրվելու համար»․ Արգիշտի Կիվիրյան (տեսանյութ)
204Երեկ, 22:00«Մարտի 1-ի համար պատասխանատվություն կրողները չպետք է մասնակցեն ՀՀ քաղաքական գործընթացներին». Արման Բաբաջանյան
129Երեկ, 20:48«ՌԴ-ի և ՀՀ-ի միջև հարաբերությունները հիմնված են ինքնիշխան հավասարության սկզբունքների վրա». Մարիա Զախարովա (տեսանյութ)
170Երեկ, 20:02