Ուրբաթ, 24 սեպտեմբերի, 2021 թ.
|
Ստեփանակերտում`   +20 °C

Մեգան Մարքլը մանկական գիրք կհրապարակի

Մեգան Մարքլը մանկական գիրք կհրապարակի
1076
Կիրակի, 09 մայիսի, 2021 թ., 21:56

Սասեքսի դքսուհի Մեգան Մարքլը որոշել է մանկական գիրք է գրել, որը նվիրել է իր ամուսնուն և որդուն: Այս մասին հայտնում է Reuters-ը։
«Նստարան» կոչվող գիրքը հոր և որդու միջև հարաբերությունների մասին է՝ արքայազն Հարրիի և որդու՝ Արչիի օրինակով։ Գրքի հրապարակումը նախատեսված է հունիսի 8-ին:
Այն նախատեսված է 3-7 տարեկան երեխաների համար և կթողարկվի Penguin Random House հրատարակչության կողմից:
««Նստարան»-ն սկսվեց որպես բանաստեղծություն, որը հայրիկների օրվա կապակցությյամբ գրեցի իմ ամուսնու համար՝ Արչիի ծնվելուց 1 ամիս անց: Այս բանաստեղծությունը իսկական պատմություն դարձավ»,- իր գրքի մասին պատմել է դքսուհին։
Հեղինակը հույս ունի, որ գիրքն արձագանք կգտնի յուրաքանչյուր ընտանիքում՝ անկախ դրա կազմից։
Գրքի պատկերազարդմամբ զբաղվել է նկարիչ Քրիստիան Ռոբինսոնը: Դքսուհին պատմել է, որ սերտորեն համագործակցել է նկարչի հետ, քանի որ նկարազարդումները նրա համար շատ կարևոր են եղել։