«Հայաստանն էլ պետք է ընդօրինակի»․ Սամվել Հայրապետյան

Ծրագրավորող, քիբերանվտանգության մասնագետ Սամվել Հայրապետյանի ֆեյսբուքյան գրառումը. «2027 թվականի հունվարի 1-ից Հունաստանը մինչև 15 տարեկանների համար կարգելի սոցկայքերից օգտվել՝ մասնավորապես Facebook, Instagram, Tik Tok ու X։
Հունաստանի խորհրդարանն ընդունեց օրինագիծը։ Դեռ չեմ պատկերացնում, թե ոնց են վերահսկելու, բայց շատ կարևոր նախաձեռնություն է ու Հայաստանն էլ պետք է ընդօրինակի ու նման մի օրինագիծ ստեղծի։
Բնականաբար 100%-ով հնարավոր չի լինի վերահսկել, դեռահասները կարող են ֆեյք էջեր բացել կամ մեկ ուրիշի հեռախոսից/համակարգչից օգտվել, սակայն եթե օրենքը նույնիսկ 70%-ով էլ գործի, էլի լավ կլինի։
Կարելի է ուղղակի դեռահասների հեռախոսների մեջ հեռակառավարվող հավելված ինսթալլ անել, որը բնականաբար ամեն ինչին չի որ պետք է մուտք ունենա, զուտ հետևի՝ ինչ ծրագիր ինսթալլ եղավ ու կա արդյոք դրանց շարքում սոցկայք, կամ ինչ վնասակար հղում բացվեց և այլն։
Կողմ եմ, քանի որ համացանցում ավելի շատ են վտանգները քան համացանցից դուրս, ու որպես կանոն համացանցից դուրս վտանգների սկիզբը դրվում է համացանցում»։