Հայ-ադրբեջանական սահմանին առկա լարված իրավիճակը բացասական է անդրադառնում զբոսաշրջության ոլորտի վրա․ «Ժողովուրդ»

«Ժողովուրդ» օրաթերթը գրում է․ «Հայ-ադրբեջանական սահմանին առկա լարված իրավիճակը բացասական է անդրադառնում զբոսաշրջության ոլորտի վրա։ Զբոսաշրջության ֆեդերացիայի նախագահ Մեխակ Ապրեսյանի խոսքով՝ զբոսաշրջությունը շատ զգայուն է նման երևույթների նկատմամբ։ «Կորոնավիրուսի հետ կապված փորձն էլ ցույց տվեց, դրան գումարած պատերազմական իրավիճակը, անվտանգության հետ կապված հարցեր, այդ թվում նաև հայ-ադրբեջանական սահմանին տիրող իրավիճակը չի կարող չանդրադառնալ, չի կարող բացասական ազդեցություն չունենալ. իհարկե ունենում է, դեռ կարող է ունենալ ավելի շատ հետևանք, եթե իրավիճակը շուտով չկայունանա ու երկու ուղղությամբ։ Հայաստան նոր եկողներն են մարդիկ, որոնք որ պատրաստվում էին, կցանկանային գալ Հայաստան, և արդեն այն տեղեկությունը, որն աշխարհում տարածվեց, որ այստեղ անկայունություն կա, վտանգ կա, պարզ է, որ արդեն շատերը կխուսափեն գալ՝ հաշվի առնելով որոշ երկրների կողմից արված հայտարարությունները։ Ցավոք, մենք խորհուրդ չտրվող երկրների ցանկում ենք լինում, և դա բացասաբար է անդրադառնում»,- ներկայացրեց Ապրեսյանը։ Մեր զրուցակցի խոսքով՝ այս ընթացքում Հայաստան այցելում են հիմնականում ռուս, իրանցի զբոսաշրջիկներ»:

Մանրամասները՝ թերթի համարում: